en streaming

BOQUEIXÓN Boqueixón acolle mañá na casa da cultura de Camporrapado, ás 17.00 horas, o acto central da programación especial que o CIM (que colabora con Touro e Vedra) preparou con motivo do Día Internacional contra a Violencia Machista (25 -N). A actividade vaise retransmitir en streaming para que poidan desfrutala todos os que o desexen, dado que o aforo máximo permitido é só de trinta persoas. Así os interesados seguirán a xornada a través de https://youtu.be/ASuNk36rjqc. Esta cita terá como protagonista a Joshua Mateo, que viviu de preto as consecuencias da violencia machista. Haberá asemade actuacións, un recuncho literario e presentaranse adiovisuais. A. P.