Distinguidos cinco alumnos do IES Camilo José Cela de Padrón polos seus resultados na ABAU

O IES Camilo José Cela de Padrón destacou entre os centros de Galicia con mellores resultados nas ABAU 2022. Catro alumnas e un alumno do instituto padronés acudiron o pasado 23 de xuño ao acto de recoñecemento aos Mellores Expedientes de Galicia. Esta distinción outórgaa a Universidade de Santiago de Compostela ao alumnado con media igual ou superior a 9 na fase xeral das ABAU. Parabéns a María Figueira, Estela Barreiro, Enma Agrasar, Marco Piñeiro e Paula Hong Castro.