Miñones afirma que estudan solucións para evitar vertedeiros en canteiras como Casalonga

O delegado do goberno José Miñones aseguroulles aos representantes da plataforma veciñal teense Casalonga Limpa de Residuos que a modificación normativa para evitar vertedeiros como o que aseguran pretenden facer na canteira xa foi tratada co secretario de estado, Hugo Morán. De feito, Miñones emprazou a esta delegación de afectados a unha nova xuntanza nos vindeiros días co representante do Goberno de Pedro Sánchez. Segundo lles comunicou, xa hai un informe en marcha sobre a situación de cara ao emprendemento de novas accións por parte do Goberno central.