Santiago
+15° C
Actualizado
sábado, 20 julio 2024
09:49
h

Recadarán fondos para o programa Vacacións en Paz cunha cea solidaria

    Ames. Un ano máis, a asociación Solidariedade Galega co Pobo Saharauí organiza, coa colaboración do Concello de Ames, unha cea solidaria co obxectivo de recadar fondos destinados a sufragar o programa Vacacións en Paz, unha iniciativa a través da que rapaces e rapazas de Tindouf (Arxelia) poden pasar o verán en Galicia, acollidos por familias voluntarias.

    Ditos fondos destínanse integramente ao financiamento dos billetes de avión, e búscase que poida viaxar o maior número de crianzas posible.

    A cea solidaria realizarase o sábado 25 de febreiro no Hotel Congreso, preto de Santiago, ás 21.00 horas. Haberá un menú para adultos, que custará 35 €, e outro infantil, por 23. De novo, os organizadores propoñen unha temática de ambientación. Desta volta, o tema é Misión espacial 2023. As persoas que o desexen poderán acudir disfrazadas. Para participar deben contactar con Esther Ybarra, voceira de Sogaps, a través do 609 764 945. redacción

    14 feb 2023 / 06:00
    • Ver comentarios
    Noticia marcada para leer más tarde en Tu Correo Gallego
    TEMAS
    Tema marcado como favorito
    Selecciona los que más te interesen y verás todas las noticias relacionadas con ellos en Mi Correo Gallego.