Douscentos rapaces din adeus aos campamentos en Camariñas

CAMARIÑAS. O Concello clausurou os campamentos deportivos de verán, nos que participaron 200 nenos e nenas, que se dividiron en dúas modalidades: actividades acuáticas e obradoiros de tempo libre. Participaron en catro quendas en horario de mañá, seguindo un estrito protocolo COVID. Os pequenos desfrutaron durante os meses de xullo e agosto de actividades como iniciación ao windsurf, ioga infantil, kaiak, vela, educación medio ambiental, paddle surf e recollida de lixo. Sobre todo, afirman dende o Concello, “pasárono moi ben!”. M. l.