Santiago
+15° C
Actualizado
jueves, 01 diciembre 2022
02:40
h

Encontro en Vimianzo sobre os fondos Next Generation para os concellos

Técnicos da oficina da Deputación da Coruña, co apoio de Afiprodel, informaron ós axentes de desenvolvemento local de Costa da Morte

Vimianzo. Afiprodel Galicia, coa colaboración da Oficina Next Generation da Deputación da Coruña, organizou este luns unhas xornadas informativas e de intercambio cos profesionais de desenvolvemento local da Costa da Morte. O obxectivo era achegar aos concellos desta franxa atlátntica información sobre os fondos e as convocatorias de axudas e tamén potenciar a cooperación e colaboración intermunicipal para aproveitar estas axudas con proxectos para os seus territorios.

Os profesionais da oficina Next Generation deron conta dos seus servizos de información, formación e asesoramento relacionados co acceso e presentación ás convocatorias de subvencións destes fondos. Están a realizar tamén traballos de analise e definición das prioridades estratéxicas para o desenvolvemento da provincia “polo que desexan contar coa opinión e experiencia dos profesionais de desenvolvemento local e as súas achegas para proxectos e liñas de actuación”, afirman desde Afiprodel.

Esta oficina ten a sede no Concello da Capela, acorde coa política de descentralización e dinamización das zonas rurais da provincia. Presta servizo a 93 concellos e, especialmente, aos de menos poboación. Afiprodel achegou a esta oficina o documento elaborado polos técnicos e técnicas dos concellos no ano 2020 para o Plan de Reactivación da Costa da Morte, que xa presentaran á Deputación da Coruña, co desexo de que poida ser de utilidade na confección do futuro plan estratéxico para a provincia. M. L.

15 nov 2022 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.