O BNG de Cee demanda unha nova marquesiña para Porcar-Lires

Os concelleiros do BNG de Cee, Serxio Domínguez e César Pérez, presentaron un escrito no Concello para poñer en coñecemento do goberno local que, no lugar de Porcar, na parroquia de Lires, “precísase dunha nova marquesiña nunha nova ubicación, ou de non ser posible, se lle coloque a actual unha plancha na parte dianteira para que poida ser útil para os nenos e nenas que esperan nela o autobús da escola”, afirman

Sinalan ademais que a actual marquesiña, está obsoleta e colocada de maneira que “a choiva entra nela case sempre, co que as familias teñen que levar os coches para resgardar as crianzas da intemperie”.