Santiago
+15° C
Actualizado
jueves, 24 septiembre 2020
10:17
h

Películas que debes ver se es un amante da Costa da Morte

Ao longo dos últimos anos varios directores apostaron por esta bisbarra como escenario dos seus proxectos // Netflix tamén se fixo eco da zona cun spot publicitario

A bisbarra da Costa da Morte é unha zona que goza dun gran recoñecemento xa non só en Galicia, senón tamén nunha gran parte do mundo debido as súas paisaxes e beleza natural. Desde os faros e miradores, pasando polas súas montañas e cabos e rematando polas súas praias. Todo forma parte dun ecosistema incomparable para quen queira respirar aire fresco e alonxarse do estrés da vida cotiá.

Isto non pasou inadvertido para varios produtores e directores de cine, que viron nesta zona un lugar envexable para rodar parte ou na súa totalidade as súas longametraxes:

1. Para que no me olvides: Esta obra estreada no 2005 e dirixida por Patricia Ferreira, foi nominada no seu momento a tres premios Goya, entre eles o de mellor actriz. Conta cun reparto no que destacan nomes da altura de Fernando Fernán Gómez, Marta Etura e Emma Vilarasau. Parte de este filme foi grabado en Fisterra, na fermosa praia de Langosteira.

2. Costa da Morte: O aclamado director galego Lois Patiño, integrado dentro do novo cinema galego, estreou esta película-documental no ano 2013, sendo moi ben recibida pola crítica, o que fixo que acumulara varios premios. O filme recorre varios puntos emblemáticos e concellos da zona.

3. Sicixia: Despois da efervescencia e éxito da Esmorga, baseada no libro de Blanco Amor, primeira película en galego nominada a un Goya, o seu director, Ignacio Vilar, apostou pola Costa da Morte para o seu novo proxecto. A obra recurriu a concellos como Dumbría, Cee, Fisterra, Muxía ou Camariñas para esta rodaxe. Vilar conta a historia de Xiao, un enxeñeiro que recorre Galicia procurando os seus sons máis profundos, ata coñecer a Olalla coa que o unirá un forte vínculo.

4. A Mariñeira: O gran Morris, Camila Bassa e Monti Castiñeiras son algúns dos protagonistas desta cinta galega coproducida entre a TVG e TV3 que conta os horrores da guerra civil e o franquismo. Dirixida por Antón Dobao e extraída dun relato literario de Xohán Cabana, achéganos a historia dos acosos do 36 en Quilmas, en Carnota, e da loita das mulleres da vila por sair adiante, mostrando a crueza do momento.

5. Lua Vermella: A segunda longametraxe de Lois Patiño, despois do éxito conseguido con Costa da Morte, tiña pensado ver a luz das taquillas de cine fai uns meses, mais a pandemia retrasou a súa chegada. A novidade desta cinta e que incorpora a actores non profesionais e con personaxes propios da vila como o Rubio, recoñecido buzo que rescatou máis de 30 cadáveres de náufragos ao longo dos anos.

Como bonus track cabe dicir que ata o xigante Netflix, lider absoluto das plataformas do audiovisual, apostou por Fisterra para un dos seus proxectos. Foi para promocionar unha das súas series, Altered Carbon. Baixo o título Bienvenidos a Fisterra, el pueblo de la Costa da Morte en el que nadie muere, o spot recurre a sátira e o humor para simular que sucedería nun mundo no que non houbera mortes.

15 sep 2020 / 20:18
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.