Sesenta nenas e nenos desfrutaron e aprenderon co campamento de Cee

O campamento de verán Respira, organizado polo Concello de Cee, rematou despois de dous meses nos que os sesenta nenos e nenas participantes se divertiron ó tempo que aprenderon. Desfrutaron de xeito totalmente gratuíto de saídas ó teatro e á praia, a Semana de Olimpiadas, e actividades para aprender sobre a natureza e reciclado, entre outras.

Mentras uns rematan, outros comezan. Ese é o caso dos nenos e nenas da Escola Infantil Municipal, que xa volveron ás aulas o mércores, día 1, adiantándose á apertura doutras escolas, que abrirán o día 6. Dende o Concello destacan o notable aumento de nenos matriculados respecto ó ano pasado e que “este inicio de curso está sendo máis tranquilo que en 2020, cando todo era incertidumbre pola COVID”. A Xunta de Galicia actualizou no mes de agosto o protocolo a seguir, permitindo, por exemplo que se poidan facer actividades grupais.