Santiago
+15° C
Actualizado
sábado, 28 enero 2023
13:45
h

Tres feridos nunha colisión frontolateral entre dous vehículos en Muxía

Foron trasladados ao hospital Virxe da Xunqueira, de Cee // O accidente tivo lugar na estrada de Touriñán, á altura do desvío cara os lugares de Queiroso e Nemiña

Tres persoas foron trasladadas ao hospital Virxe da Xunqueira de Cee ao resultaren feridas nunha colisión frontolateral entre dous vehículos no municipio de Muxía. Segundo informa o 112 Galicia, nun principio non parecían presentar lesións de gravidade. O accidente tivo lugar ás 10.15 horas na estrada de Touriñán, á altura do desvío cara os lugares de Queiroso e Nemiña.

Ata o lugar desprazáronse os bombeiros de Cee, que atenderon aos feridos ata a chegada dos sanitarios do 061 e regularon o tráfico. As persoas feridas presentaban dores no peito, “debido aos cinturóns e os airbags”, segundo sinalan os bombeiros, que se encargaron tamén de limpar a estrada unha vez que foron retirados os vehículos sinistrados.

Tamén se mobilizaron axentes da Policía Local e Garda Civil de Tráfico, así como voluntarios de Protección Civil de Muxía.

23 ago 2022 / 13:36
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.