Visibilizando a diversidade no Camiño de Santiago ao seu paso por Cee
A Asociación Sociocultural ASCM leva máis de 30 anos traballando a prol da inclusión // Promoveron distintas actividades de sensibilización e entregaron premios a escolares
A Asociación Sociocultural ASCM, que traballa desde hai máis de 30 anos pola plena inclusión das persoas con discapacidade, achegouse a Cee no marco da súa xira de visibilización da diversidade no Camiño de Santiago, para dar a coñecer SporTodxs Galicia, unha iniciativa enmarcada no programa O teu Xacobeo.
Na vila da Xunqueira foron recibidos pola alcaldesa, Margarita Lamela, e polo portavoz do PP, Antonio Domínguez, na Praza 8 de Marzo, onde invitaron á cidadanía a participar de distintas actividades de sensibilización sobre a realidade das persoas con diversidade funcional cós distintos camiños coma fío condutor.
Asemade, ASCM fixo entrega dos premios aos escolares participantes nos concursos de debuxo e vídeo XacobIN, organizados pola entidade. Os galardóns foron, neste caso, cortesía da Asociación de Empresarios de Cee.