A Pobra vai fomentar a creatividade este Nadal no eido da diversidade

A Pobra. A concellería de Servizos Sociais da Pobra, que dirixe Amparo Cerecedo, organizou o obradoiro de Nadal A creatividade na diversidade, dirixido a adolescentes con diversidade funcional co obxectivo de incentivar as habilidades sociais mediante a creación artística e atendendo á temática destas datas.

As clases impartiranse nas aulas da confraría os luns, mércores e venres de decembro, de 16.00 a 19.00 horas.

Os grupos estarán formados por un máximo de seis persoas, pero, de se produciren máis inscricións, cabe a posibilidade de incrementar o número de grupos, ademais de ampliar e reestruturar horarios. Debido á situación derivada da coronavirus, as clases terán límite de prazas.

As persoas interesadas poden solicitar máis información a través do número de teléfono 981 843 280 ou 981 832 764. O prazo para se anotar manterase aberto ata o día quince de decembro. s. s.