Santiago
+15° C
Actualizado
miércoles, 08 diciembre 2021
16:04
h

Acordan mellorar a sinalización
e a seguridade
no Monte Pindo

Carnota. O vicepresidente e deputado de Turismo, Xosé Regueira, acordou este mércores cos concellos de Carnota, Mazaricos e Dumbría poñer en marcha un proxecto de sinalización e mellora de seguridade no Monte Pindo e propoñer este espazo para a certificación como destino de turismo científico Observer. Este acordo foi tomado nun encontro no que participaron, ademais de Xosé Regueira, o alcalde e a técnica de Turismo de Carnota, Juan Manuel Saborido e María Lago, e o deputado provincial e alcalde de Dumbría, José Manuel Pequeño.

O obxectivo fundamental do proxecto é a sinalización e mellora da seguridade do espazo coa finalidade de evitar situacións de visitantes que se extravían nesa contorna, máis tamén a mellora da calidade turística do espazo. “Temos que ter en conta que o Monte Pindo é un recurso de primeira orde tanto da provincia como de toda Galiza, cunha compeñente xeolóxica moi potente e cunha tradición oral e unha mitoloxía riquísimas, que cómpre ordenar e poñer en valor como un produto turístico de cara a configurar paquetes e comercializalos no mercado” asegurou Regueira.

O vicepresidente tamén indicou que “ademais da sinalización e da mellora da seguridade, tamén vemos necesario ordenar o acceso de cara a evitar unha presión excesiva sobre os recursos naturais”.

Por último, acordaron marcar un prazo ata xaneiro do vindeiro ano para avanzar na tramitación administrativa do proxecto. m. c.

27 oct 2021 / 20:24
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.