Cáritas axuda aos máis novos a atopar emprego no rural

Atoparlle un oco no mercado laboral aos mozos desempregados e en risco de exclusión social. Ese é o obxectivo co que Cáritas Diocesana de Santiago continúa ofrecendo cursos formativos en distintas localidades da diócese, no marco do programa Queda-T. Os alumnos que participan, segundo informan os docentes, teñen entre 18 e 30 anos e residen no rural.

O taller de auxiliar de hostalaría coa función de camareiro de restaurante-bar impártese nas localidades de Corcubión e Arzúa, aínda que este ano a causa da crise sanitaria, estase a desenvolver en Santiago, usando así a sede dos servizos xerais de Cáritas. Pola súa parte, en Ribeira, os mozos están a formarse en operarios de limpeza e en Carballo impártase o curso de dependente de produtos frescos. Todos estos talleres teñen unha duración de 200 horas, 100 teórico-prácticas e outras tantas de prácticas profesionais non laborais en empresas do sector.

O técnico de Emprego de Cáritas Diocesana de Santiago, José Alberto Fernández, explica que todos estos talleres formativos nacen “desde la convicción de que el empleo, entendido como trabajo digno remunerado por cuenta propia o ajena, es la principal vía que tenemos las personas y los hogares para obtener ingresos y acceder a unas condiciones de vida satisfactorias”, indica. Con estas accións de orientación e formación Cáritas quere facilitar “que se sitúen en mejores condiciones en el mercado laboral”, recalca.

PROGRAMA QUEDA-T Dita proposta ten como finalidade conseguir cambios positivos na situación laboral dos mozos participantes, pero tamén sensibilizar aos axentes empregadores e á sociedade en xeral “para que los jóvenes puedan quedarse en las zonas rurales en las que viven y no tengan que marcharse fuera en busca de un puesto de trabajo”, aclaran os docentes. A través deste programa de emprego “se pretende contribuir a que las personas y colectivos con mayores dificultades, debido a sus propias circunstancias vitales y al contexto socioeconómico, puedan superar los obstáculos internos y externos que encuentran a lo largo de su vida y logren incorporarse al mercado laboral en condiciones dignas”, relata o profesorado dos talleres.

Ditos cursos están financiados polo departamento de Política Social da Xunta de Galicia a través da subvención destinada á realización de programas de interese xeral para fins de carácter social, con cargo á asignación tributaria do 0,7% do imposto sobre a renda das persoas físicas, e por Inditex.