Concurso fotográfico de micoloxía na vila pobrense

A Pobra . No marco da quinta edición das Xornadas Micolóxicas que se celebran durante o outuno en A Pobra figura o concurso fotográfico de micoloxía. Os premios consistirán en vales de compra –a empregar na plataforma www.deanshop.es– e tres galardóns de diferentes contías que sumarán 600 euros.

O prazo para entregar as obras finalizará o vindeiro 7 de novembro, ás 23.59 horas. A inscrición é de balde e deberá realizarse enviando un correo electrónico a apobra.micoloxia@gmail.com indicando o nome, os apelidos e o teléfono de contacto.

Destacar que só se admitirán dúas obras por participante, e que deberán ser inéditas. Poden consultar as bases en apobra.gal. m. t.