Santiago
+15° C
Actualizado
miércoles, 28 septiembre 2022
11:10
h

Monbus propón reestruturar os servizos para reducir tempos

Ribeira. A Xunta abordou este mércores cos alcaldes da comarca do Barbanza o reforzo dos servizos de autobús que conectan a bisbarra con Santiago de Compostela. Durante o encontro, a empresa trasladou unha proposta de reestruturación dos servizos para reducir os tempos de viaxe entre Ribeira e a capital de Galicia nas franxas horarias de maior demanda.

Segundo avanzaron, a configuración deseñada baséase na creación dunha liña express que prestaría servizos directos entre a comarca e Santiago, empregando a Autovía do Barbanza e a AP-9.

Esta proposta prevé unha rede de servizos de tipo lanzadeira que permitirían tanto os desprazamentos entre as distintas localidades, como acceder ás expedicións directas. As conexións con esta liña efectuaríanse a través dun transbordo nunha nova parada localizada nas inmediacións da saída A-23 da AG-11.

Por outra banda, na reunión tamén se expuxo a posibilidade de prolongar as expedicións durante a tempada lectiva ao Campus da USC, o que suporía unha mellora da calidade do servizo para os universitarios.

Ademais analizáronse as demandas dos usuarios da comarca, trasladadas polos alcaldes, centradas na información sobre os horarios. A este respecto, acordouse que a empresa reforzaría a información de liñas e horarios nas paradas físicas, comprometéndose a remitir dita información ós concellos para unha maior difusión. m. t.

20 oct 2021 / 20:01
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.