Santiago
+15° C
Actualizado
lunes, 29 noviembre 2021
18:14
h

Novo equipo radiocirúrxico no hospital comarcal do Barbanza valorado en noventa mil euros

Ribeira. O delegado da Xunta na Coruña, Gonzalo Trenor, acompañado pola xerente da área sanitaria de Santiago e Barbanza, Eloína Núñez,

supervisaron este mércores no hospital comarcal o funcionamento do novo equipo radiocirúrxico, que tivo un custo superior aos 90.000 € e permitirá renovar o equipamento existente no bloque cirúrxico para o seguimento e control en intervencións de cirurxía xeral, ortopedia e traumatoloxía, entre outros.

Durante a visita, o representante do Goberno autonómico informou que este hospital contará en breve cun novo ecógrafo para o servizo de radiodiagnóstico que ten un custo aproximado de máis de 116.000 euros. O obxectivo deste novo equipo non é outro que dar unha correcta cobertura sanitaria á poboación.

Así, a Xunta continúa a desenvolver, coa adquisición destes equipamentos, o Plan de renovación e modernización do equipamento sanitario previsto para 2021, co que acometer as renovacións integrais dos bloques cirúrxicos e dos equipamentos de alta tecnoloxía para o diagnóstico. Para este plan, os orzamentos xerais da Comunidade destinan 60 millóns de euros. m. t.

27 oct 2021 / 20:23
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.