O Son xa abriu o prazo para solicitar axudas para o material escolar
porto do son. O Concello de Porto do Son abriu o prazo para solicitar as axudas para a adquisición de material escolar e transporte para o curso 2021-2022. Os interesados deberán cumprir os seguintes requisitos xerais: estar empadroados e residindo no termo municipal; con carácter xeral, estar matriculados para cursar estudos en centros oficiais no curso 2021-2022; non superar o nivel de renda per cápita de 600 €/mes; non percibir ningunha outra axuda para o mesmo fin; e non ter pendente de xustificación, unha vez rematado o prazo, outras subvencións outorgadas polo Concello sonense. As persoas que desexen máis información poden chamar ao 981 867 414, ou acceder á páxina web municipal. Segundo indicaron dende a área de Servizos Sociais, o prazo para presentar solicitudes remata o vindeiro 18 de outubro. m. c.