Organizan en Barbanza uns obradoiros audiovisuais

Ribeira. A asociación Alberto Romero vai impartir o vindeiro mes de outubro uns obradoiros audiovisuais gratuítos sobre guión e interpretación nos catro concellos da comarca do Barbanza, destinados a mozos e mozas.

Celebrarase os sábados días 8 e 15 no centro cultural Lustres Rivas de Ribeira (de 10.00 a 11.30 horas) e na Casa da Mocidade da Pobra (de 12.00 a 13.30), e os sábados 22 e 29 na casa da cultura da Cachada de Boiro (de 10.30 a 12.00) e no auditorio de Rianxo (de 12.30 a 14.00).

Asimesmo, dito colectivo organizou o obradoiro que leva por título Queres crear a túa propia película?, destinado a mozos e mozas de 7 a 18 anos, que se impartirá os xoves de 18.00 a 19.00 horas nos meses de outubro a decembro, no auditorio rianxeiro.

Os interesados en obter máis información ou en realizar as inscricións deben facelo enviando un correo electrónico a info@albertoromero.org ou chamando ó número de teléfono 981 107 906. s.s.