Outes pide contas polas melloras nos pantaláns

outes. O alcalde de Outes, Manuel González, vén de solicitar unha entrevisa coa presidenta de Portos por mor do retraso no inicio das obras de reparación dos pantaláns do Freixo. González manifestou que lle foi comunicado o inicio da actuación para setembro de 2020. “Confiabamos que ao non comezarse o ano pasado, se acometerían nos meses de verán para evitar coincidir co inicio da campaña marisqueira, pero non foi así”, dixo o rexedor, que tamén suliñou que moitos usuarios se queixaron polo deterioro nas instalacións. m. c.