Renovan o pavimento da rúa da Dorna, en Castiñeiras

Operarios da empresa Nosa (Nemesio Ordóñez S.A.) iniciaron os traballos para substituír o firme (bastante deteriorado) da rúa da Dorna, situada na parroquia ribeirense de Castiñeiras, moi preto do colexio Sagrado Corazón. Para tal fin aplicaranse un total de 350 metros cadrados de aglomerado asfáltico. O importe da intervención ascende a 8.000 euros.