Tanxil acolle este domingo un simulacro sobre rescate de mamíferos mariños
Rianxo. A Coordinadora para o Estudo dos Mamíferos Mariños (Cemma) organizou para este domingo 9 ás 11.00 horas na praia rianxeira de Tanxil unha actividade de formación e divulgación sobre a asistencia á fauna mariña ameazada (tartarugas e mamíferos mariños). O punto de encontro será o aparcamento do areal e, en caso de mal
tempo, a actividade desenvolverase na Aula Activa do Mar.
A iniciativa consiste en expoñer a presenza das especies obxectivo da asistencia a
varamentos, as diferencias básicas entre tartarugas (réptiles) e lobos mariños e cetáceos (mamíferos), así como o que podemos ou debemos facer para poder asistir en primeira instancia a un animal varado. Está aberta ó público en xeral, aínda que tamén está destinado a membros de Protección Civil, Policía Local e especialistas de Medio Ambiente, así como aos grupos de voluntariado de cobertura da Cemma. suso souto