Santiago
+15° C
Actualizado
miércoles, 12 mayo 2021
02:00
h

Unha sentenza recoñece o dereito de Verdegaia á Xustiza gratuíta

Lousame. Verdegaia vén de coñecer con satisfacción a sentenza dos Xulgados de Noia que recoñece finalmente o seu dereito á xustiza gratuíta no seu exercicio da acción popular medioambiental nun procedemento penal por volta da polémica explotación mineira en San Finx, no municipio de Lousame.

O xulgado tumbou así unha resolución da Comisión Provincial de Asistencia Xurídica Gratuíta da Coruña que denegaba a xustiza gratuíta á mencionada asociación. O seu rechazo podería ter implicado a imposición a Verdegaia de custas xudiciais de varios miles de euros.

Dende o colectivo afirman que “o auto xudicial ten especial transcendencia para o movemento ecoloxista, pois confirma fóra de toda dúbida que a Lei 27/2006 de xustiza ambiental, que transpón o Convenio de Aarhus, outorga o beneficio da xustiza gratuíta ás asociacións ambientais, sobrepóndose á interpretación literal da anterior lei de asistencia xurídica gratuíta de 1996, que non contemplaba esta posibilidade”.

Verdegaia lamenta “os obstáculos postos pola Xunta para o exercicio da acción popular medioambiental cando son os seus funcionarios e altos cargos os investigados”. m. t.

01 abr 2021 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.