Xornada de rexeneración ambiental no lugar de Orellán

Porto do Son. Este sábado, día 8 de maio, a comunidade de montes de Baroña organiza unha xornada deseucaliptizadora consistente “na eliminación dos rebrotes dos eucaliptos que se cortaron na faixa de protección contra incendios forestais da aldea de Orellán e a posterior rexeneración deses terreos por medio da plantación de árbores frondosas”, explican dende o citado colectivo.

Con esta iniciativa preténdese pór en valor a zona próxima aos muíños de Fontán e á de Agramonte, onde se realizará proximamente unha ruta de sendeirismo.

A actividade dará comezo ás 9.30 horas. Os interesados en participar deben inscribirse previamente chamando ao teléfono 679 156 855. m. c.