Santiago
+15° C
Actualizado
lunes, 20 septiembre 2021
01:20
h

A Laracha suma trece empregados durante os próximos sete meses

Nove peóns, dous capataces e outras tantas traballadoras de servizos xerais foron contratados ao amparo do PEL-Concellos Reactiva

O próximo luns comezarán a realizar o seu labor no Concello larachés as trece persoas que foron contratadas no marco do programa de integración laboral PEL-Concellos Reactiva 2021 impulsado pola Deputación da Coruña. Son nove peóns, dous capataces e dúas traballadoras como persoal de servizos xerais os que se incorporarán á plantilla municipal durante os próximos sete meses.

Os capataces e peóns formarán cuadrillas de obras e servizos e encargaranse de actuacións como o mantemento de infraestruturas públicas, colocación de sinalización, reparación de beirarrúas e sumidoiros, acondicionamento do terreo para a ubicación de colectores, conservación medioambiental, limpeza viaria, apoio loxístico aos servizos municipais e vixilancia do cumprimento das medidas de prevención ante a COVID. O persoal de servizos xerais desenvolverá principalmente traballos de índole administrativa.

O alcalde, José Manuel López Varela, e os concelleiros José Ramón Martínez e Rocío López déronlles a benvida nun acto desenvolvido na casa da cultura.

29 abr 2021 / 19:57
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.