A Laracha xa oferta prazas no seu viveiro industrial do polígono local

A Laracha. O Concello da Laracha anuncia que esta semana ábrese o prazo de solicitude a tódalas persoas físicas ou xurídicas que desexen facer uso do viveiro industrial.

O edificio do viveiro conta con zonas comúns para o servizo dos emprendedores industriais, cun espazo multiusos e de reunión, unha zona de postos aberta, e outra de naves, dividida en dous independentes con acceso propio e que comunica mediante corredor có edificio de servizos comúns, aseos e vestiarios. Adxacente á parcela existe unha amplía zona de aparcadoiro. Como servizos atópase un vestíbulo-recepción.

O edificio consta de dúas zonas, unha destinada a naves de uso industrial, taller artesanal ou similares, principalmente opaca, onde se ubican as dúas naves, con acceso peonil polo vestíbulo e outra independente a través dos amplos portóns eléctricos, o

cal facilita o acceso a diferentes tipos de transporte ou maquinaria; e outra zona destinada a oito oficinas/postos, servizos xerais, vestíbulo recepción, e unha sala de reunión-multiusos.

As empresas e autónomos que se instalen no viveiro contarán con servizo de administración- recepción, limpeza e mantemento de zonas comúns, seguridade, aparcadoiros, aseos, sala multiusos, conexión a internet e suministro básico de electricidade.

Outro atractivo é o coste mínimo que terá para os novos usuarios: 900 euros (trimestre) no caso das naves e de 180 euros no caso das zonas de traballo/oficina, segundo informa o Concello. M. L.