Santiago
+15° C
Actualizado
sábado, 25 septiembre 2021
11:00
h

Carballo ampliará a rede de puntos de recollida de pilas

Implicará a empresas e outras entidades para que se fagan establecementos colaboradores

O Concello de Carballo recolle cada unha media de 900 quilos de pilas a través dos colectores que ten distribuídos pola zona urbana, fundamentalmente en edificios municipais, centros educativos e establecementos comerciais, así coma nos minipuntos limpos. Co afán de seguir mellorando a xestión dun residuo que é altamente contaminante, ademais de estender o servizo ás parroquias mediante a instalación de colectores nos centros sociais, animan a participar tanto a empresas coma a entidades de calquera punto do concello para seguir ampliando a rede de puntos de recollida de pilas.

Sumarse á campaña medioambiental é moi doado. Os titulares de negocios deben chamar ao número de teléfono 981 754 917, e a empresa concesionario do servizo de recollida e xestión de residuos facilitaralles un colector de balde. A partir de agora, os locais participantes estarán identificados cun cartel, e calquera persoa poderá depositar as pilas nos establecementos colaboradores.

Cando os colectores están cheos só hai que chamar ao número de teléfono que figura na tapa, e a concesionaria do servizo encargarase de pasar a baleiralos. As pilas recollidas son transportadas por un xestor autorizado a unha planta de reciclaxe, onde se separan os materiais perigosos do resto dos compoñentes.

“Xunto á colaboración das empresas e entidades locais resulta fundamental a implicación da veciñanza, pois unha soa pila pode contaminar miles de litros de auga”, advirten dende o Concello.

14 jul 2021 / 21:21
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.