Santiago
+15° C
Actualizado
martes, 06 diciembre 2022
14:47
h

Completan a mellora da estrada Pazos-Campara, no municipio de Ponteceso

Ponteceso. O deputado de Vías e Obras, José Manuel Pequeño, e o alcalde de Ponteceso, Lois García Carballido, acompañados de concelleiros do goberno municipal, visitaron a estrada DP- 6805 de Campara a Pazos, na que a Deputación da Coruña vén de investir máis de 600.000 euros en dúas fases para renovar o pavimento de 5,5 quilómetros de vial e mellorar a seguridade da circulación dunha estrada que rexistra un elevado volume de tráfico.

Segundo explicou Pequeño, a estrada contaba cunha superficie moi irregular, polo que se executou unha nova capa de regularización de espesor variable e dotouse dunha capa de mestura asfática en quente. Os traballos incluíron tamén a substitución das barreiras de seguridade metálicas existentes e a renovación da sinalización horizontal e vertical e pintado de novas marcas viais.

“Estamos no remate final dunha obra que mellora notablemente a seguridade nunha estrada con moito tráfico”, afirmou Pequeño, que subliñou que con esta última fase cúmprese o compromiso adquirido co alcalde de Ponteceso.

Pola súa banda, o rexedora destacou que “é unha estrada fundamental para conectar o acceso a Corme, a Brantuas, a Nemeño e as parroquias limítrofes de Malpica”. “Vimos de ver todos os negocios que están funcionando en Pazos e dependen moito dun acceso en condicións”, apuntou

Un ano esperando por permisos da Xunta

Pequeño Castro e García Carballido abordaron tamén outros proxectos da Deputación no municipio, que están pendentes das autorizacións pertinentes de distintos departamentos da Xunta como Augas de Galicia ou Medio Ambiente.

“Levamos un ano pendentes dos permisos para ponte de Xabarido sobre o río Anllóns, unha infraestrutura importante para Cabana e Ponteceso”, afirmou Pequeño, que pediu “celeridade” nos trámites de administración autonómica.

O alcalde pontecesán lembrou tamén que o investimento de 400.000 euros previsto para os aparcamentos de Balarés está tamén pendente de autorizacións da Xunta polo que solicitou “colaboración institucional” para acometer canto antes estas obras.

07 oct 2022 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.