Santiago
+15° C
Actualizado
martes, 16 agosto 2022
03:31
h

Comeza a campaña de trampeo contra a avespa velutina na Laracha

A Laracha. O Concello iniciou a campaña de trampeo para combater a expansión da avespa velutina que leva a cabo cada ano nas datas previas ao comezo da primavera, xa que é a época nas que as raíñas fundadoras comezan a formar os niños e, por tanto, o momento no que debe realizarse un maior esforzo para evitar o xurdimento de novas colonias. Coa colaboración da Agrupación de Voluntarios de Protección Civil da Laracha serán colocadas máis de medio centenar de trampas en zonas públicas situadas en puntos estratéxicos das trece parroquias. Ademais, o Concello pon de xeito gratuíto a disposición da veciñanza –en especial, dos apicultores- un lote formado por dúas trampas para colocar nas súas fincas e dous litros de líquido atraínte.

Para poder acceder a este material deberase cubrir o formulario dispoñible na web municipal (www.alaracha.gal) e comprometerse a ofrecer información ao Concello sobre o número de raíñas capturadas, o que permitirá controlar a evolución e coñecer os lugares nos que hai un maior número delas. Cabe lembrar que no caso de detectarse un niño de avespa velutina é preciso poñelo en coñecemento da Xunta de Galicia chamando ao teléfono 012 para, posteriormente, proceder á súa eliminación.

12 mar 2021 / 19:34
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.