Santiago
+15° C
Actualizado
miércoles, 10 agosto 2022
21:05
h

A escola de verán de Valga dá a benvida á nova quenda

Valga. Co cambio de mes, a escola de verán de Valga cambiou tamén de participantes, recibindo a unha nova quenda de rapaces que asistirán ás actividades gratuítas organizadas polo Concello ata o vindeiro día 26.

Son unha vintena de nenos de entre 4 e 12 anos de idade os que se incorporaron a comezos desta semana á escola, coa que se trata de facilitar a conciliación entre a vida laboral e familiar durante o período de vacacións escolares. A semana comezou cunha serie de xogos de presentación para que os nenos se coñeceran, tamén fixeron as súas propias pulseiras e colares, xogaron ás sillas musicais, realizaron unha xincana deportiva e crearon instrumentos con material reciclado. Por exemplo, unhas tarrañolas feitas con cartón e tapóns que os cativos decoraron con pinturas.

Ademais, adicaron unha das xornadas ao Camiño de Santiago, converténdose en auténticos peregrinos para percorrer un tramo da ruta portuguesa ao seu paso por Valga, entre O Pino e San Miguel. No que queda de mes, participarán en moitas máis actividades sobre igualdade ou reciclaxe, e en obradoiros como o que está previsto para o día 11 e leva por título Fai clic ao teu bocata. c.g.

06 ago 2022 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.