Alerta na Estrada ao multiplicarse o consumo de auga en Codeseda

A ESTRADA. O concelleiro de Medio Ambiente, Juan Constenla, alertou este mércores da necesidade de realizar un consumo responsable de auga tras coñecer que na parroquia de Codeseda “estase a consumir case catro veces máis auga que hai un mes”. Nas últimas 24 horas consumíronse 85 metros cúbicos cando na mesma data de xuño eran 23. A pesares diso, o edil aclara que “grazas á mellora da captación levada a cabo polo Concello”, para a que se investiron 150.000 €, só houbo constancia dunha incidencia. O aumento do consumo estase a rexistrar tamén no casco urbano e a ETAP ve limitada a súa capacidade. arca