Santiago
+15° C
Actualizado
miércoles, 28 septiembre 2022
11:10
h

Satisfacción polos cambios na RPT de

A Estrada. O sindicato Comisións Obreiras (CC.OO.) amosou a súa satisfacción pola aprobación no pleno municipal da comprometida modificación da Relación de Postos de Traballo (RPT). Unha medida que, segundo a central, “supón un avance moi importante na organización dos servizos, na incorporación de todos os postos de traballo existentes no plantel, na homoxeneización e tratamento retributivo equitativo dos postos de traballo, na carreira profesional e a promoción interna e na actualización das funcións de todos os postos de traballo, cun dobre obxectivo: retribuír a cada traballador/a polas funcións que realmente desempeña e mellorar a organización e o funcionamento dos servizos públicos”.

Segundo explican, o documento aprobado é o resultado dun longo proceso de conflito, de xudicialización das relacións laborais, pero, e sobor de todo, da negociación. Este proceso de negociación foi impulsado por CC.OO. e aceptado en firme polo goberno municipal dende o 11 de febreiro de 2021 e concluído no mes de agosto dese ano cun acordo, que tamén contou coa participación da CSIF, alongándose no tempo a súa aprobación plenaria, tanto por cuestións xudiciais como de carácter administrativo, según argumenta a central.

De todos xeitos, Comisións Obreiras sinala que o documento “non deixa de presentar algunhas eivas de carácter individual que esperamos que se poidan resolver na fase de alegacións”. arca

05 feb 2022 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.