O artista Diego de Giráldez fará o cartel da Feira do Cocido de Lalín

Lalín. O alcalde de Lalin, José Crespo, anunciou este martes que o pintor Diego de Giráldez fará o cartel da Feira do Cocido. Así o avanzou tras visitar, xunto a tenente de alcalde Paz Pérez, o museo do artista. Ambos fixeron un percorrido por este singular espazo, situado nunha antiga casa-cuartel en A Cañiza, onde Giráldez ten unha exposición de más de 1.000 metros cadrados repartidos.

“É un dos pintores vivos importantes de Galicia... Fomos alí porque este ano Diego de Giráldez é que nos vai facer o cartel do Cocido. Á parte de visitar o museo que ten alí, estivemos vendo o cartel” explicou Crespo.

O rexidor afirmou que “temos a mellor cartelería de todas as festas populares que hai en España, ninguén ten o nivel de cartelistas que temos... Laxeiro, Sucasas, Álvaro Negro, Lamazares, Barreiro, Castillo... practicamente os mellores de Galicia. Para nós é un luxo que Diego de Giráldez, que é unha institución e que é un dos fundadores dun movemento que se chama NAS (Naturismo, Abstracción e Surrealismo), que representa como ninguén e que tivo un auxe importante... Ver como fixo o cartel deste ano... é que se lle ven ata os peliños que o porco ten no fuciño. É un hiperrealismo, elevado a un grao sumo”, detallou o mandatario local.

José Crespo indicou que en breve darase a coñecer o traballo: “Non vai ser un cartel ao uso, polo prestixio que ten o autor o que fai é un cadro que o convertemos en cartel é coma se fose un cadro adicado ao Cocido e creo que é vai dar moitos sabores porque Diego de Giráldez é un recoñecido e prestixioso pintor que vai formar parte do elenco do que son todos os cartelistas ao longo da historia que xa son 54”. arca