Usuarios de Sarela terán actividades de balde no Deza

Lalín. O alcalde de Lalín, José Crespo, e o presidente da Asociación de Dano Cerebral de Compostela (Sarela), José Balboa Ayán, acompañado da tenente alcalde, Paz Pérez, veñen de asinar un convenio de colaboración para a posta en marcha dun punto de información municipal sobre o dano cerebral adquirido (lesión que se produce nas estruturas cerebrais de forma súbita en persoas que, nacendo sen ningún dano, sofren nun momento posterior).

Lalín facilitaralle a Sarela a cesión dun espazo con conexión a internet de uso gratuíto que estará no Lalín Arena e que funcionará a modo de punto de información, asesoramento e espazo formativo onde se desenvolverán actividades de balde dirixidas a estes usuarios. s. e.