Santiago
+15° C
Actualizado
viernes, 14 mayo 2021
12:46
h

Frades entrega vinte composteiros de Sogama entre os seus veciños

Xa son 75 as familias do municipio que optan pola separación dos restos orgánicos

Frades. Coincidindo co segundo aniversario da adhesión do Concello de Frades ao programa de compostaxe doméstica de Sogama para a recuperación da materia orgánica en orixe, o concelleiro de Medio Rural, Manuel Ferreiro Marzoa, fixo entrega doutros vinte composteiros entre outras tantas familas do municipio. Deste xeito, xa son setenta e cinco as familias do municipio que se suman a este proxecto de valorización da materia orgánica nas súas vivendas para convertela nun compost de calidade.

Ferreiro Marzoa explica que “en vista da boa acollida que está a ter o programa, dende o Concello de Frades decidimos abrir unha lista para que se apunten aqueles veciños e veciñas que estean interesados en acoller un destes composteiros. Só teñen que chamar ao 981 695 567 ou pasarse polo Concello”. O único requisito para participar na iniciativa é dispoñer dun xardín ou dunha horta na que aplicar o compost resultante.

Os vinte composteiros repartidos foron achegados por Sogama e contan cunha capacidade de 400 litros, ademais de estar fabricados con materiais reciclados e reciclables.

A compostaxe doméstica trae consigo importantes vantaxes ambientais, económicas e sociais. Dado que a materia orgánica representa o 42 % dunha bolsa de lixo tipo, ao recuperala no propio fogar, evítase o seu depósito nos contedores verdes convencionais, propiciando así que os servizos municipais poidan minorar a frecuencia de recollida e transporte dos residuos e, polo tanto, as emisións de CO2 á atmosfera.

Así mesmo, para o Concello de Frades supón “un importante beneficio económico, xa que reduce a cantidade de residuos que se envían a Sogama para o seu tratamento, polo que o importe da factura a pagar será menor”, apuntan fontes municipais. E, desde un punto de vista social, recuperarase unha práctica tradicional no rural galego, como é a separación dos restos orgánicos. C. E.

31 mar 2021 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.