Santiago
+15° C
Actualizado
jueves, 02 diciembre 2021
02:15
h

Obras de mantemento na fonte de San Xoán
de Furelos, en Melide

MELIDE. O Concello de Melide está a levar a cabo na actualidade diversos traballos de mellora na fonte de San Xoán de Furelos, unha das máis senlleiras da localidade e da que se abastecen veciños e camiñantes. Esta intervención consiste na limpeza da vexetación na contorna e na parte dianteira da fonte e unha serie de obras de mellora que inclúen a reparación de xuntas, arquetas, do cano e da billa de latón. Indicar que o traballo de reparación que están a facer compleméntase coa construción dun muro en mampostería para o que se está a utilizar pedra do país e que mellorará o conxunto. A fonte de San Xoán de Furelos sitúase nunha marxe da pista que comunica a aldea de Furelos coa que leva a Vilanova e á Estrada N-547. Esta pista remata na confluencia do Camiño Francés coa pista que dende Piñor leva ata o lugar de Furelos. s. e.

22 oct 2021 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.