no verán

RIBEIRA FINANCIA A METADE DO CUSTE DOS CAMPAMENTOS. O Concello de Ribeira, que preside Manuel Ruiz, informa de que, a falta dunha semana para a conclusión do prazo de solicitudes (o día 10), quedan Bonos Concilia para os campamentos de verán. Ata onte adxudicáronse 58 bonos da modalidade A (para familias nas que traballan os dous proxenitores ou o cabeza de familia no caso das monoparentais) dun total de 60 posibles cos que sufragar ata a metade do custe mensual do campamento e un máximo de 100 €. Na modalidade B (o resto de familias, cun máximo de 50 €), entregáronse 13 sobre un tope de 60. Usando estes bonos os cativos de 3 e 12 anos poden participar nun dos campamentos ofertados (5 horas diarias de luns a venres).