Galicia ampliará a 7 días o rastrexo de contactos cun positivo
O conselleiro de Sanidade reitera a súa precupación pola falta de ferramentas cando o 9 de maio se poña fin ao estado de alarma e aos peches perimetrais
Limitación da mobilidade nocturna
A ferramenta do toque de queda, que desaparecerá o 9 de maio, é segundo García Comesaña "útil e importante". A partir dese día Galicia terá que tomar medidas de forma "motivada" para conter a pandemia, algo que agora non é preciso no caso da limitación da mobilidade nocturna porque esta "é autonómica".
Número de rastrexadores
En principio, e segundo o conselleiro de Sanidade, non se vai incrementar o número de rastrexadores malia ampliar a 7 días os rastrexos.
Vacinación do grupo de 65 a 69 anos
A vacinación do grupo de 65 a 69 "está pendente da chegada de vacinas. Se a vindeira semana tiveramos dose suficientes de AstraZeneca, iniciaríase a vacinación". Urxe saber tamén que vai pasar coas segundas dose de AstraZeneca.
Lei de saúde e estado de alarma
O conselleiro recoñece a súa preocupación polo recurso do Goberno central á lei galega de saúde pública, e polo que poidan facer as comunidades autónomas unha vez remate o estado de alarma.
Mantense a corentena para os contactos estreitos
Carmen Durán confirma que se mantén a corentena para os contactos estreitos, aínda que se amplíe o rastrexo de 2 a 7 días. Para os da ampliación "vaise pedir a proba PCR pero non se van corentenar".
Rastrexos ampliados en 7 ou 10 días
A directora xeral de Saúde Pública explica que en 7 ou 10 días podería iniciarse en toda Galicia o rastrexo ampliado de contactos estreitos cun positivo. Haberá segundo Carmen Durán unha pilotaxe dunha semana aproximadamente, en zonas concretas con interacción social como poden ser a hostalaría ou o ámbito laboral. Non descarta, nun momento dado, facelo tamén noutros lugares como os centros educativos.
Apertura do ocio nocturno a partir de xuño
O conselleiro confirma que esta semana se van reunir co sector do ocio nocturno. De cara ao mes de xuño, di, e "cunha vacinación importante da poboación de máis de 60 anos, non descartaríamos ir facendo algunha apertura. Faremos algunha proba piloto".
272.000 galegos recibiron a pauta completa
O conselleiro de Sanidade explica que hai xa 742.000 galegos vacinados cunha dose, e 272.000 coa pauta completa. Ademais, o 99% dos maiores de 80 anos xa están vacinados. O 75% do grupo de persoas entre 70 e 79 anos xa recibiron unha dose, porcentaxe que baixa ao 34% no caso da poboación de entre 60 e 69 anos. O 87% dos grupos esenciais xa ten a súa dose e, segundo García Comesaña, o 70% dos pacientes de risco están vacinados. Estes días procederase a poñer a segunda dose das vacinas, en concreto 100.000 de Pfizer e 23.000 de Moderna.
"Tódalas vacinas son seguras"
O doutor José Luis Muiño, que traballa na atención primaria en Ourense, afirma que "estamos vendo a luz ao final do túnel". Galicia, dixo, "ten unha excelente atención primaria cunha gran capacidad para vacinar. Non podemos baixar a garda. Debemos seguir mantendo a prudencia, o uso da máscara, a hixiene de mans e a ventilación cando esteamos en lugares pechados". Insiste en que os pacientes deben acudir presencialmente á atención primaria cando sexa necesario, e programar a cita cando se teña un síntoma respiratorio. Reitera o doutor Muiño que "tódalas vacinas son seguras". Pide que todo o mundo se vacine, porque "os efectos secundarios son extremadamemte raros. Sairemos desta pandemia con vacinación e con prudencia".
Situación asistencial tamén estable
José Flores, xerente do Sergas, fala tamén de situación asistencial "estable". Desde atención primaria faise o seguimento dos 2.841 pacientes que están a pasar o COVID nos seus domicilios. O 61 continúa coa súa actividade a nivel basal, con 2.800 chamadas onte, o 8% delas relacionadas co COVID. A ocupación das urxencias tamén está nun nivel basal, e a dos circuitos respiratorios están por debaixo do 15%. Segundo Flores, os pacientes COVID ocupan o 2,20% da capacidade máxima dos hospitais. En planta o número de ingresados é o mesmo que a semana pasada. En UCI hai 3 pacientes máis que hai 7 días.
Amplíase de 2 a 7 días atrás o rastrexo dos contactos estreitos cun positivo
A directora xeral de Saúde Pública confirma que os expertos decidiron ampliar a 7 días atrás, en lugar dos 2 actuais, o rastrexo dos contactos estreitos dun positivo. Tamén se tomarán como referencia lugares concretos como unha reunión familiar ou social importante.
Variantes
Carmen Durán confirma que a día de hoxe un 93% dos casos de COVID en Galicia corresponden á variante británica, 240 deles con secuenciación completa, 27 á sudafricana, 14 deles só informados, 23 da variante brasileña P1 e un da P2.
Boa evolución no Barbanza
A directora xeral de Saúde Pública confirma a boa evolución dos datos na comarca do Barbanza.
Situación de "estabilidade, cunha tendencia crecente"
A directora xeral de Saúde Pública explica que a situación epidemiolóxica de Galicia é "de estabilidade, cunha tendencia crecente". Segundo Carmen Durán, a incidencia acumulada a 7 días é de entre 47 e 50 casos por cada 100.000 habitantes. A 14 días movémonos entre os 95 e os 99 casos. A nivel nacional, a incidencia acumulada a 7 días é de 95 e a 14 de 233. Galicia segue "moi por debaixo".
Nos últimos 15 días, 138 concellos non notificaron ningún caso, e nos últimos 7 días , 179. 2,46
Do 17 a 23 de abril fixéronse en Galicia 66.789 pruebas para a detección do COVID, unas 2.470 por cada 100.000 habitantes, "moi por encima dos 1.729 da media española". Para esta semana serán citadas para os cribados unhas 52.700 personas.
A área sanitaria con menor incidencia acumulada a a 7 días é Ferrol con 20, e a de Vigo a que ten a incidencia acumulada máis alta, con 79. Entre as principais cidades galegas, Vigo é o concello con maior taxa a 7 días con 87, fronte a Ferrol con 26. A 14 dias, Santiago é a urbe coa incidencia acumulada máis baixa, con 40. Durán recoceñece que o Sergas está preocupado pola evoluciónda pandemia na área de Vigo.
Restricións por concellos
Explica o conselleiro de Sanidade que na xuntanza de onte do comité clínico acordouse o establecemento do nivel máximo de restricións nos concellos de Vilanova de Arousa, Cualedro e Carballeda de Valdeorras.
Así mesmo, os expertos tamén determinaron o nivel alto de restricións nos concellos de Petín, Muíños, Verea, A Merca, Meira, O Grove, Ribadumia, Marín, Meaño, Meis, Ponteareas, Salceda de Caselas, A Pobra do Caramiñal, Ribeira, Cambre e Coristanco.
Ademais, as medidas do nivel medio rexerán nos termos municipais de Lobeira, Lobios, Verín, Cartelle, Xinzo de Limia, O Barco de Valdeorras, Trabada, Barreiros, Chantada, Cambados, Sanxenxo, Vilagarcía de Arousa, Poio, Cangas, Gondomar, Vigo, O Porriño, Nigrán, Tui, Rianxo, Mesía, Carnota, Carral, A Laracha, Betanzos, Carballo e Ares.
No resto dos concellos galegos estarán vixentes as restricións fixadas no nivel medio baixo. Todas estas medidas entrarán en vigor ás 00,00 horas do vindeiro venres, 30 de abril.
Comeza a rolda de prensa