Galicia suma 252 positivos máis e outros 91 casos activos
Hai 259 enfermos hospitalizados, 41 deles na UCI. Nas últimas 24 horas faleceron 7 persoas
Galicia contabilizou nestas últimas 24 horas outros 252 novos positivos por covid. Dacordo coa Dirección Xeral de Saúde Pública da Consellería de Sanidade, o número de casos activos de coronavirus é de 4.601, 91 máis. Deles, 765 son da área da Coruña, 20 máis, 475 da de Lugo, 2 menos, 1.605 da de Ourense, 42 máis, 469 da de Pontevedra, igual que onte, 512 da área de Vigo, 16 máis, 628 da de Santiago, 4 máis, e 147 da de Ferrol, 11 máis.
Do total de pacientes positivos, 41 están en UCI, 1 máis, 218 en unidades de hospitalización, 8 máis, e 4.342 no domicilio, 82 máis. Polo de agora, en Galicia hai un total de 22.277 persoas curadas, 154 máis, rexistrándose 797 falecementos, 7 máis nas últimas 24 horas.
No tocante ás escolas infantís e aos centros de ensino non universitario, os datos de Sanidade reflicten que o número de positivos en toda Galicia é de 486. Hai 23 aulas e un centro pechados.
O número de PCR realizadas é de 560.887.