Minuto a minuto. Sigue la tendencia a la baja en la comunidad gallega
O conselleiro de Sanidade confirma que a comunidade recibiu doses do lote retirado noutros países. Lembra que “nin a Axencia Española do Medicamento nin a Axencia Europea do Medicamento pediron inmovilizar ese lote nin parar a vacinación”
Remata a rolda de prensa
Galicia seguirá vacinando cos viais de AstraZeneca
O conselleiro de Sanidade confirmou que Galicia tamén recibiu doses do lote da vacina de AstraZeneca retirado noutros países por problemas de trombos. Julio García Comesaña sinalou que teñen toda a información ao respecto e que seguirán vacinando con ela porque polo momento "nin a Axencia Española do Medicamento nin a Axencia Europea do Medicamento pediron inmovilizar ese lote nin parar a vacinación. Recibimos ese lote e estamos mirando quen recibiu a vacina. Non imos facer nada diferente do que se recomenda".
Cribados na estación de tren e no aeroporto da Coruña
Haberá cribados na estación de trens da Coruña e tamén no aeroporto de Alvedro, que máis adiante poderían estenderse ao resto de Galicia.
Concellos en nivel máximo
Os concellos que quedan esta semana en nivel máximo son A Mezquita, Boborás, Vilardevós, Paradela e Pontecesures.
Concellos en nivel alto de restricións
Quedan en nivel alto de restricións os concellos de Sobrado, Soutomaior, Chantada e Arteixo. Ademais quedan en vixiancia especial os municipios de Bóveda, Castroverde, Carballeda, Coles, Leiro e Maside. Desde Sanidade estarán pendentes da súa evolución.
Concellos que pasan a nivel medio
O conselleiro de Sanidade confirmou que os concellos que pasan de nivel alto a nivel medio son os de A Pobra do Brollón, Lourenzá, Cariño, Mugardos, Guitiriz, Vilanova de Arousa e Ponte Caldelas.
Situación asistencial
O doutor José Flores fala de satisfación no tocante á situación asistencial. En Atención Primaria baixaron moito os casos, pero continúan a facer o seguemento de 2.600 persoas.
O teléfono do 061 recibiu unhas 2.700-2.800 chamadas diarias, o 10% delas relacionadas coa COVID.
No tocante ás urxencias, seguen a manter os circuitos de ocupación por pacientes COVID en torno ao 14%. A asistencia ás urxencias dos hospitais galegos está en nivel basal, habitual para esta época do ano.
Polo que respecta á ocupación hospitalaria, un 3,7% das camas de hospitalización convencional están ocupadas por pacientes COVID, cunha caída do 16% nos últimos 7 días (257 camas ocupadas). Nas unidades de críticos a ocupación por pacientes con coronavirus é do 14,2%, un 20% menos.
Incidencia á baixa na Pobra do Brollón e Lourenzá
A Pobra do Brollón baixa a nivel medio porque malia ter unha incidencia de 428 casos a 14 días, esta era de cero a 7 días. O mesmo ocorreu con Lourenzá. Noutros concellos como Arteixo a evolución aínda non é boa, de aí que continúa no mesmo nivel.
Galicia, á cabeza na realización de probas
Galicia segue a ser a primeira comunidade en realización de probas, con 3.465 por 100.000 habitantes, cando a media española é de 1.660,75.
A situación epidemiolóxica segue mellorando en Galicia, pero a menor ritmo
Carmen Durán, directora xeral de Saúde Pública afirma que a situación epidemiolóxica é moi semellante a hai uns días. O número reproductivo instantáneo segue por debaixo de 1. A incidencia acumulada segue baixando e a 7 días Galicia está en 35 casos por 100.000 habitantes. A 14 días está en 83. Segue descendendo, pero a un ritmo menor.
Comeza a rolda de prensa