Suspéndense as competicións do deporte federado no ámbito autonómico

A medida foi adoptada pola “preocupante” evolución da pandemia do COVID. Pódese adestrar de xeito individual ou en grupos dun máximo de catro persoas, respectando o toque de queda e os peches perimetrais

O conselleiro de Sanidade, Julio García Comesaña, acompañado do secretario xeral técnico, Alberto Fuentes Losada, da directora xeral de Saúde Pública, Carmen Durán Parrondo, e do xerente do Sergas, José Flores Arias, informa en rolda de prensa dos asuntos tratados no comité clínico de Sanidade. CONCHI PAZ

O conselleiro de Sanidade confirmou este martes o que moitos deportistas galegos temían: a suspensión das competicións do deporte federado no ambito autonómico. Segundo explicou Julio García Comesaña, no caso dos adestramentos poderán facerse de xeito individual ou en grupo dun máximo de catro persoas. Iso sí, todos deberán respectar o toque de queda e os peches perimetrais.

Tamén deberán respectalos os deportistas das competicións federadas de ámbito estatal, se ben neste caso mantéñense activas ao igual que os adestramentos.

As medidas foron adoptadas na xuntanza de onte do comité clínico, diante da “preocupante” evolución da pandemia do COVID en Galicia.