Santiago
+15° C
Actualizado
sábado, 27 noviembre 2021
13:43
h

Un terzo dos galegos a vacinar contra a COVID xa ten a pauta completa

Son en total 785.000 cidadáns. Máis do 91% dos maiores de 50 anos ten polo menos unha dose

Os vacinados con pauta completa contra a covid-19 en Galicia superaron xa os 785.000 --en concreto, son 786.379--, que supoñen 15.324 persoas máis que na xornada anterior e que representan o 33,28%, un terzo da poboación susceptible de recibir a vacina. Ademais, o 54,36% dos galegos a vacinar contan con polo menos unha dose.

Así se constata nos datos actualizados na mañá deste domingo pola Consellería de Sanidade con rexistros até o peche da xornada de vacinación do sábado, recollidos por Europa Press, onde se indica ademais que se administraron 2.027.052 inxeccións --após superar este sábado a barreira dos dous millóns--, 26.509 máis que na xornada anterior. Isto implica que o Sergas puxo o 92,90% das 2.181.875 doses recibidas en Galicia até o momento.

Por grupos de poboación vacinados pola súa condición de vulnerabilidade, administrouse polo menos unha dose a 14.431 persoas de alto risco (+131) e 12.981 completaron a pauta (+121); mentres que 17.738 dependentes non institucionalizados recibiron polo menos unha dose e 16.354 contan coa pauta completa (+4). Ademais, 23.811 persoas institucionalizadas recibiron polo menos unha picada e 23.211 finalizaron o proceso (+1).

En canto aos vacinados por probabilidade de exposición, 74.695 traballadores do ámbito sanitario recibiron polo menos a primeira picada e 63.764 completaron o proceso (+65). Así mesmo, administrouse polo menos a primeira inxección a 28.759 profesionais do ámbito sociosanitario e 22.258 contan coa pauta completa (+35).

Tamén recibiron polo menos unha dose da vacina contra a covid-19 63.276 traballadores esenciais e 4.186 completaron o proceso (+896).

En canto ás persoas que foron citadas a vacinarse pola súa idade, hai 1.061.626 galegos aos que se lles administrou polo menos unha dose (+12.317) e 643.621 teñen a pauta completa (+14.203).

GRUPOS DE IDADE

Se se clasifica toda a poboación vacinada por franxas de idade, os datos de Sanidade reflicten que, até o de agora, 130.581 persoas maiores de 85 anos --sen cambios-- recibiron polo menos polo menos unha dose; ás que hai que sumar 95.566 de 80 a 84 anos --sen cambios respecto da xornada anterior--; 133.054 de 75 a 79 anos (+1); 150.772 de 70 a 74 anos (+1); 150.718 de 65 a 69 anos (+17); 168.963 de 60 a 64 anos (+42); 176.696 de 55 a 59 (+74) e 157.972 de 50 a 54 anos (+9.981).

Así, até o momento recibiron polo menos unha dose 1.164.322 persoas maiores de 50 anos no conxunto de Galicia, que representan un 91,18% dos galegos a vacinar a partir desa idade.

A estes datos engádense 32.839 persoas de 45 a 49 anos (+1.247); 28.352 de 40 a 44 anos (+59); 20.646 de 35 a 39 anos (+41); 16.604 de 30 a 34 anos (+36); 13.477 de 25 a 29 anos (+19); 7.376 de 20 a 24 anos (+4); 736 de 15 a 19 anos; e un de 10 a 14 anos, ambos os grupos sen cambios respecto dos datos rexistrados na xornada anterior.

Por tanto, até a data 1.284.353 persoas recibiron polo menos unha dose da vacina en toda Galicia --11.521 máis que na xornada anterior--, que supoñen o 54,36% da poboación a vacinar na Comunidade Galega.

SANTIAGO. EUROPA PRESS

06 jun 2021 / 12:34
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.