Rianxo dá un paso máis e invita á piscina ós nenos saharauís acollidos

O alcalde de Rianxo, Adolfo Muíños, asinou un acordo ca empresa BeOne, que xestiona a piscina municipal, que permitirá ir máis alá na campaña Vacacións en paz de acollida de nenos e nenas saharauís na localidade. As familias rianxeiras que acollan a estes nenos e nenas, se xa son socias da instalación municipal poden incluír ao neno acollido dentro da súa cota; e, se non o son, ofrecerase matrícula gratuíta e a inclusión dos nenos acollidos sen custo adicional. Ademais, os cativos saharauís acollidos poden acceder a un curso de natación gratuíto. Rianxo avanza así pola senda da solidariedade dando exemplo de que sempre se pode dar un paso máis. s. s.