Música e tradición chegan a Sar polas festas de San Blas

Esta fin de semana, o barrio compostelán de Sar honra a un dos seus santos máis queridos: San Blas. Dende hoxe, venres día 31, ata este luns 3 de febreiro, a música, a tradición e a legría acompañarán a festividade na honra do santo.

San Blas, recoñecido como o avogado contra os males de garganta, é venerado pola súa capacidade para sanar doenzas, especialmente as relacionadas coa gorxa. A súa fama fundaméntase nun milagre lendario que relata a curación dun neno ao que se lle cravou unha espiña de peixa na garganta. Dende entón, a súa devoción perdurou co paso do tempo, marcando a vida e a tradición de barrios como o de Sar.

A celebración comezará hoxe, venres, cunha verbena que non promete deixar a ninguén indiferente. A orquestra Marbella e a disco móvil Chocolate serán as encargadas de animar aos asistentes e de poñelos a bailar, dando comezo así a unha fin de semana chea de diversión e de emoción.

Mañá, sábado 1, a tirada de 21 bombas de palenque ás 10.00 horas servirá para dar o inicio da segunda xornada de festa. Dende as 14.00 horas, o dúo D’Vicio amenizará a sesión vermú dunha xornada que se pechará coa verbena a cargo do propio dúo D’Vicio e da orquestra Finisterre.

Por último, o luns 3 de febreiro pecharanse os festexos deste ano. Será cunha xornada que comezará dende ben cedo, con misas matinais que se ofrecerán cada hora, dende as 8.00 ata as 12.00 horas. Acto seguido, a atmosfera festiva ampliarase coa participación da Banda Municipal de Santiago e a Agrupación Folclórica Colexiata de Sar, que se encargarán de animar a sesión vermú con diversas melodías. A tarde dará paso a un novo acto litúrxico ás 19.00 que servirá para pechar un ano máis as Festas de San Blas no barrio de Sar.