Ría de Arosa 2, un camping idílico nun lugar privilexiado

O litoral galego é, sen dúbida, un dos elementos máis característicos da impresionante xeografía da comunidade. Neste sentido, o Ría de Arosa 2, situado en Santa Uxía de Ribeira, é un camping idílico e relaxante preto de lugares incríbles.

É, polo tanto, unha opción ideal para facer unha escapada perfecta coa que gozar do verán. No camping hai dispoñibles bungalows e cabañas de catro e seis prazas, así como un espazo para tendas de campaña e caravanas.

Os prezos do aloxamento, que oscilan entre os 13 e 114 euros por noite, están dispoñibles na páxina web do camping: rural.campingriadearousa.com.

O check in pódese facer entre as 9.00 e as 23.00 horas, mentres que o check out é ás 12.00 horas.

Ademais, ofrece variedade de servicios para facer a experiencia máis inesquecible para os visitantes. Conta cun servizo de alugueiro de bicicletas e coches a pedais, un tren infantil para percorrer as instalacións, piscina, parque infantil, un supermercado, instalacións deportivas de baloncesto e fútbol sala e mesas de ping pong e futbolín.