Un verán para aprender a surfear en Doniños

O verán pasase mellor na auga, e unha opción idónea para facelo é no The Camp Doniños, un surfcamp situado na espectacular praia de Doniños e con escola de surf en Valdoviño (A Coruña), no que se unen surf e diversión dende o ano 2012. A actividade está dirixida a rapaces de entre 8 e 17 anos, que baixo a supervisión dun gran equipo de profesionais neste ámbito (monitores de surf titulados, de tempo libre, socorristas e incluso biólogos) aprenderán a desfrutar enriba da táboa.

Hai varias quendas dispoñibles para participar: do 30 de xuño ao 6 de xullo, do 7 ao 13 de xullo, do 14 ao 20 de xullo e do 21 ao 27 de xullo.

Esta é, sen dúbida, unha oportunidade perfecta para desfrutar destas vacacións de verán enriba dunha táboa no mar, aínda que os participantes tamén practicarán disciplinas como o ioga, o kayak, o paddle e o skate. O campamento inclúe almorzo, comida, merenda e cea. Pódese consultar máis información sobre estas actividades na páxina web thecamp.es.