Case sesenta rapaces da Maía no concilia Setembro Lúdico 2020
En total foron 163 os nenos que participaron na Escola de Verán celebrada en agosto
Ames. Acaba de comezar unha nova edición do Setembro Lúdico amesán con 58 participantes. A través deste programa trátase de facilitar a conciliación das familias da Maía antes do inicio do curso escolar, desenvolvéndose no CEIP da Maía, EEI do Milladoiro e CEP de Ventín.
E, por suposto, estase seguindo un protocolo de seguridade que, entre outras medidas, divide aos rapaces e rapazas en grupos de 15 usuarios como máximo, xunto con dous monitores. Estes grupos de nenos están nunha parte específica das instalacións do centro educativo e non se mesturan cos usuarios do resto de grupos conformados.
No que atinxe á división dos pequenos neste Setembro Lúdico, deses 58 acudirán 31 ao CEIP da Maía; 15 á EEI do Milladoiro e 12 ao CEP de Ventín. Ata o 9 de setembro, a rapazada inscrita está a realizar unha gran variedade de actividades e xogos en horario de 09.00 a 14.00 horas, excepto aqueles para os que se lle solicitou o servizo Bos Días, que comeza ás 07.30 horas, ou o servizo de comedor, que remata ás 16.00 horas.
Por outra banda, cómpre salientar que este pasado luns, 31 de agosto, rematou a Escola de Verán, que este ano se desenvolveu no CEIP da Maía, no CEP de Ventín e na EEI do Milladoiro. En total, durante agosto a participación foi de 163 nenos. m.m.