Quince colectivos ribeirenses asinan o plan de dinamización socioeconómica

RIBEIRA. Unha quincena de asociacións de carácter social, asistencial, económico, empresarial, político e sindical de Ribeira manifestaron a súa adhesión ao ambicioso Plan Reactiva Ribeira que, subscrito o sábado polos grupos municipais de PP, PSOE, BNG e Suma Ribeira, está dirixido a implementar un gran paquete de medidas coafin de contrarrestar os efectos da crise do covid-19 entre a veciñanza. Estamparon as súas firmas os representantes da patronal, as confrarías de Ribeira e Aguiño, a lonxa municipal, Amas de Casa, Cáritas, ICE Renovación, Asociación Española Contra o Cancro, Ambar, Amicos, Ciudadanos, Compromiso por Galicia e IPR, así como os sindicatos CCOO e CSIF. Esta tarde debaterase no pleno o orzamento municipal, no que terán encaixe todas as medidas do plan. S. S.