Tempo seco e temperaturas en ascenso os festivos de Semana Santa en Santiago
As temperaturas máximas quedarán arredor dos 20ºC en moitos puntos da comunidade
Persoas pasando diante do Pazo de Fonseca, en Santiago de Compostela / Jesús Prieto
Redacción
Santiago de Compostela terá este domingo ceos con nubes e claros, e a predicción de Meteogalicia apunta a unha melloría a curto prazo.
Galicia quedará durante o domingo baixo a influencia das altas presións, centradas nas Illas Británicas. Así, comezaremos a xornada con intervalos de nubes baixas e bancos de néboa que darán paso a ceos despexados ou con nubes de tipo alto.
As temperaturas mínimas sufrirán un lixeiro descenso, con xeadas febles no interior, mentres que as máximas non experimentarán cambios, con lixeiros ascensos na metade sur. Os ventos soprarán frouxos do nordés, con intervalos de moderado no litoral norte.
A partir do luns, os ceos tenderán a estar pouco anubrados ou despexados. As temperaturas serán normais para esta época do ano, con mínimas sen cambios, aínda que oscilarán, e máximas en ascenso moderado.
A partir do mércores mantense a influencia das altas presións, polo que se agarda tempo seco en Santiago e en toda Galicia. As temperaturas ascenderán lixeiramente, con máximas que quedarán arredor dos 20ºC na capital galega e en moitos puntos da comunidade.
- Los nuevos monjes carmelitas de Santiago también rezan en la calle
- Una mirada al pasado de Santiago: ¿Reconoces esta calle?
- Estos son los conciertos más demandados por los compostelanos para las Fiestas de la Ascensión 2024
- Un jabalí 'callejea' de madrugada por las calles de Santiago
- La mirada fascinada de cuatro grandes fotógrafos que inmortalizaron Compostela
- Muere Carlos Blanco Vilanova, histórico arquitecto municipal en Santiago
- Cinco terrazas 'escondidas' en Santiago para redescubrir esta primavera y dar la bienvenida al buen tiempo
- El crimen del vigilante en Pontepedriña: cómo un reloj de oro llevó a la detención del asesino
