O Concello abrirá “un período de interlocución” cos afectados polas restriccións na Virxe da Cerca

Praceiros, comerciantes, veciños e colexios non tardaron en amosar a súa “preocupación” e, nalgún caso, “rexeitamento” ao plan do Goberno municipal para reordenar e humanizar o tráfico no conector central de Santiago –entre a Alameda e San Caetano– e que afecta particularmente á mobilidade de vehículos privados na Virxe da Cerca. Preguntada a este respecto Míriam Louzao, a concelleira de Turismo insistiu en que o decidido até o de agora foi tan só “aprobar o concurso de ideas e asinar o convenio co COAG” (Colexio Oficial de Arquitectos).

Rechazo inicial de comerciantes y vecinos de Santiago a las restricciones de tráfico en la rúa Virxe da Cerca

“Agora ábrese un prazo novo”, insistiu Louzao, “no que se dará paso a un período de interlocución coas entidades participantes e as persoas afectadas”. Así mesmo, a concelleira matizou que “se tes que ir a algo por aquela zona”, en referencia á praza, vivenda, colexio... “poderás acceder, só se trata de eliminar o tráfico de paso que non para nesa rúa”. “Imos ter tempo de falar, estudar e analizar e precisamente para iso abrimos un concurso de ideas, para que as persoas interesadas, preocupadas, poidan presentar as súas propostas e entre todos elixamos a mellor, a máis acaída para ese espazo”, resolveu a concelleira Louzao. 

A titular do departamento de Turismo, que compareceu en rolda de prensa para dar conta dos acordos aprobados na xunta de goberno local deste luns quixo insistir na premisa de que “o que se busca é eliminar os vehículos que van de paso, que son moitos e sabémolo todos e todas as que vivimos nesta cidade, os coches que precisen pasar por esa zona van poder seguir facéndoo, pero como digo é unha cuestión na que temos moito tempo para analizar”.

“Imos ter tempo de falar, estudar e analizar e precisamente para iso abrimos un concurso de ideas, para que as persoas interesadas, preocupadas, poidan presentar as súas propostas e elixamos a máis acaída”

Míriam Louzao

— concelleira de Turismo de Santiago

Ao respecto de “calmar o tráfico” na Virxe da Cerca e o malestar de, entre outros, os praceiros do Mercado de Abastados que non vén con bos ollos esta medida, a edil fixo referencia ao malestar que tamén se xera cando unha rúa pasa a ser peonil, “por exemplo a cidade histórica” pero reafirmouse en que “a idea é mellorar o espazo e iso acabará sendo bo para o comercio da zona”.

Favorecer o acceso e restrinxir os vehículos “que atravesan”

O 23 de setembro o concelleiro de Urbanismo, Iago Lestegás, comparecía en rolda de prensa xunto ao edil de Mobilidade, Xan Duro, para dar conta da sinatura do convenio co COAG para lanzar este concurso de ideas e reurbanizar esta arteria principal da cidade. A decisión viña tamén avalada pola recente aprobación do PMUS –Plan de Mobilidade Urbana Sostible–, cuxo responsable, Xan Duro, defendía a necesidade de aliviar de tráfico esta rúa limítrofe coa cidade histórica.

Virxe da Cerca sen vehículos particulares: así son as bases do concurso de ideas para a súa humanización

O concelleiro de Urbanismo falaba, en relación coa Virxe da Cerca, de restrinxir o paso de vehículos que utilizan este vial “para atravesar a cidade” en dirección Norte-Sur, e destacando que non se prohibiría o acceso do vehículo privado aínda se restrinxiría a residentes e negocios da zona, promovendo o uso de transporte público e de tránsito peonil e de bicicletas e VMP –vehículos de mobilidade persoal–.

As reaccións ao anuncio non se fixeron agardar e asociacións de comerciantes e praceiros reclamaban en conversa con EL CORREO GALLEGO que o Goberno local “estudase a fondo” cales son os xeradores de tráfico na zona. No caso dos traballadores do mercado considérase que son os colexios os causantes de “atascos puntuais” nos horarios de entrada e saída dos escolares e reivindican que moita da súa clientela “desprázase en coche á praza unha vez á semana” para facer as súas compras.

Suscríbete para seguir leyendo